行山兄弟 投資研究所

為防止「擠提事件(Bank Run)」發生，聯儲局實施緊急措施救存戶，但係就唔會救矽谷銀行，市場認為爆煲事件已經響起聯儲局警號，認為「經濟衰退 / 金融危機」係聯儲局底線，聯儲局應該不能再「加息」，否則後果嚴重。 基於以上原因，市場大量沽出美國銀行股，或者將資金完全抽調，脫離銀行體系，買入債券，債券價格大升，美國兩年期債息由5厘跌至4厘，十年期債息亦由4厘跌至3.5厘；這個利率變化同時影響「新興市場」估值，暫時市場豪賭行為，主要係預示CPI 降溫以及FOMC 結果，簡單講就係市場賭FOMC 加息週期完結。 週末過後，本來翻起驚濤駭浪，但係呢一大浪好快過去，市場又冷靜落嚟，注視未來CPI數據。 恒生指數昨日回升400點，再次觸及黃金比例38.2%阻力位19600點，但係單日反彈唔代表轉勢，MACD、RSI、短線市寬(3天vs 18天線)、強弱指數訊號全部屬於弱勢，第一可能係大市復甦而其他股票未訓醒，另一可能係只係超賣反彈，彈完若果冇承接(Follow-Through)，就會再進一步調整，我暫時相信後者。 下星期騰訊公佈業績，業績公佈期一般市況比較波動，經濟好境就話會炒高，但過去一年經濟非常差，業績公佈都唔會有好消息，只係「好過預期」抑或「差過預期」。 VHSI 今日已經升至29水平，以往大型恐慌場面都係32至40之間，3月內可能會有更大波動事件發生。

過去一周發生兩件事，其中為聯儲局主席鮑Sir 對「通脹受控」唔樂觀，認為有必要需進取加息，「加息預期」升溫，十年期美債升至4.0%。 恒生指數下跌，並出現Lower High Lower Low 的下降Pattern，主流認為係市場對「息口頂點」不確定，係高債息情況下，基金重估新興市場投資價值（就係沽出高PE股票）。 星期五晚，美國「非農就業數據」公佈，數字雖然高，但係失業率已經上升，代表就業人數減少，失業人數提升，通脹已經開始降溫，十年期美債升降3.8%（係比較顯著減少）。 另一件事，係同一晚，矽谷銀行爆煲，兩日之間已經被接管，矽谷銀行(SVB) 因為早前過份投資美債以及按揭投資過多，回籠資金不足，但係存款金額減少（因為科技公司係高息環境之下難以融資，唯有使用銀行現金），出現銀行流動性短缺問題，如果銀行界有三條紅線，可能佢已經越過哂三條。 美國金融市場下跌，道指跌1.07%，納指跌1.76%，標普500跌1.45%，本來十年期美債回落，應該係利好股市，但反而倒跌，代表「相比通脹受控，市場更驚系統性風險」，加息恐懼已經係上年十月反映，今次加息驚極有個譜，但係銀行倒閉就完全估唔到，暫時市場未知有幾多間「翻版矽谷銀行」，矽谷銀行爆煲前市值為300億美元，大約等於香港二三線銀行，例如集友、富邦、創興銀行等等，如果大量中型銀行向大型銀行借貸，然後倒閉，係有可能出現骨牌效應。 市場對未知的事情往往充滿恐懼，未來一週投資主題將係「雷曼2.0」，十年期美債息再升3.8%跌至3.7%，未必係預期息口降低，而係有基金避險，大量沽出股票換成債券避險。

  曾氏通道利用ABCDE五線嚟睇恒指，將恒指分為樂觀期同悲觀期，根據唔同時期作唔同操作。 通道 時期 牛市 熊市 E: 極樂觀 樂觀期 等待達到75%至頂時(D)，小投資者可以開始減持沽出。當到達95%至頂時線(E)，小投資者宜從速離場，耐心等待下次入市時機。 D: 樂觀 由低於C線(即長期趨勢線)，向上穿過C線時，是小投資者最理想入市時間。 根據過往經驗，股市穿過這條線，可以維持在這條線上2-3年，短期之內都不會跌下來。 這是樂觀期，小投資者伺機入市，可以相當放心，在無壓力的情況下買賣，捕捉短期投機機會。 C: 中性 如果是屬於大牛市回升的初期，這是一個很不錯的長線投資期，入市以待股市升至C線以上。 在B線與C線之間，屬於悲觀期，膽小的投資者也不應入市，因為股市在此時將變幻莫測。 悲觀期 B: 悲觀 X 若大市跌破B線，屬於過度悲觀期，一旦跌破，往往直達谷底來到A線。 若股市處於A線與B線之間，股市亦隨時由過度悲觀，變成極度悲觀，不宜入市，應等待股市跌破A線。 A: 極悲觀 X 若大市跌破A線，股票的股價將跌至賤價地步，絕對超值。 不過跌破A線機會不多，千萬要把握時機。 最壞的情況已經出現，是趁低吸納逆市而行的最佳入市機會。 買入大藍籌，收藏3-4年，將會有驚人回報。 而家曾氏通道係A-B 之間，是悲觀期，市場由[極悲觀]轉為[悲觀]，開始懷疑係牛市開始。 主流意見係長線黃金交叉出現，短線 [3天線 跌穿 18天線]，下跌動能有Follow-Through。 2月9日(星期四)恒指反彈340點，騰訊有顯著上升；我懷疑會唔會短線係False alert，調整期已經完結，大家開始底位撈貨？ 但係根據數據，現時價格已經反映恒指、騰訊、銀娛同領展估值(樂觀增長)，除非有大量政策支持，否則大升機會唔高，加上美國通脹未完，Fed rate，十年期美債可能再次上升。 結果2月10日(星期五)，恒指轉跌400點，短線趨勢持續，領展係收市後公佈供股，供股價比市價折讓30%，假如星期一開市領展股價大跌，可能令恒指有更深調整。 恒指仍然係200天線上，由一個標準差回歸中線；50天線相同情況。 所以仍然屬於長線好，短線調整。 恐慌指數升至24.83，遠遠未到恐慌水準。 市場關於加息預期升溫，本來認為將會加0 至1次息，而家變成加2至3次息，Fed rate 頂點仍然未有定案，美...

  睇曾淵滄嘅書，佢係利用道氏理論去分辨牛熊市，而家到底係「牛市一期」定「熊市回彈」呢？ 牛市分三期 道氏認為牛市分為三期，第一階段在熊市尾聲，股價低賤，有膽量的投資者開始入市。 這時股市處極端失望時，因為股價非常低，吸引長線投資者入市，他們認為單是收股息也不錯。第一期牛市時間不會太長，經過一輪上升後，一些人開始套利，於是就會出現第一次的大調整。 之後，經濟上的好消息陸續出現，隨著經濟復甦，人們又開始入市，股市再度回升，這是第二期的牛市。這個階段為成長期，這時候跟隨其他的技術分析的成效最大。 第二期牛市可以維持很長時間，直到升幅已經很大，升勢已經很久，投資者再開始擔心牛市即將結束，便開始套利。這時候，一遇上市場上傳出一些壞消息，股市就會出現震盪，再一次發生大調整。等過了第二次的調整，將一些信心不夠的投資者趕出市場後，,牛市才真正進入最後一輪升勢。 第三階段為股市瘋狂期，由八歲到八十歲都談論投資心得的時候，往往是股災的前夕。 歷史：如果我們觀看2003年至2006年的恒指走勢圖，從2003年中開始，至2004年初是牛市第一期，恒指從8000多點一口氣升至14000點，然後出現一個巨大調整，調整幅度達兩成多，經過了2004年初的首個巨大調整後，恒指就進入牛市第二期，並於2006年再創歷史新高，2007年中，美國次級按揭問題開始浮現，股市再度出現重大調整。直到2007年10月，牛市到達第三期高峰。 熊市分兩期 熊市可分兩個階段，第一階段為股災期，人人都恐慌性地拋售股票。 之後，必定會出現一個巨大的反彈，反彈的原因有二：一是不少小股民不知牛市已經死亡，一見反彈就追入，形成更大的反彈，二是有經驗的大戶在錯過第一輪下跌過後再次推高股價以求脫身。 第二階段是大反彈之後，大戶離場，股價再度下跌，投資者對股市開始失去信心與耐性的時期，再度將手持股票拋售，壞消息接二連三出現，但這時候可拋售的股票均已被拋售，股價再也沒有下挫的壓力，是另一次牛市的開始。 歷史：看看2007年至2014年的走勢，當年溫家寶一句港股直通車不開了，恒指從2007年10月到達牛市第三期後，正式踏入熊市，從2007年10月的32000點，跌到2008年初的20000點，然後出現4000點的反彈，這就是熊市第一期的反彈。其後再跌到2008年10月的10600點，熊市第二期才告完成。 牛市一期 vs 熊市回彈 ...

琴日聯儲局會議完結，市場普遍認為「通脹受控，年尾減息」，呢個概念反應係美國兩年期同十年期債息之上，經濟軟著陸，美國年尾開始振興經濟係市場當時嘅Road Map。 一日之後，1月非農就業數據比預期高，數據同預期出現落差。 新聞：美國勞工部的報告顯示，1月非農就業人數增加51.7萬人，是華爾街預期的兩倍多，去年12月新增非農就業人數上修至26萬。失業率降至3.4％，為1969年5月以來的最低水平，平均時薪成長穩定。 因為同一個星期，美國各大科網公司包括Google、Microsoft、Facebook、Amazon間間都要炒人，大約每間炒5-6% (大約一萬人)，只係科技業已經裁員達至6萬人，裁員原因係公司增長放慢，Iphone賣少咗、Youtube廣告又少咗，百業蕭條，應該經濟已經開始衰退先係。 但「非農就業數據」反而冇大跌，暗示一方面科網大量炒人，但另一方面有其他公司不斷請人，填補咗個差距，繼而得出其實好多美國公司仲有強勁市場需求，生意好，商品需求旺盛，通脹就會持續，冇咁容易回落。 新聞：聯儲會主席傑羅姆·鮑威爾周三表示，預計還會進行兩三次加息才會停止升息行動，但對於市場預期的後續加息只有一次及年底前將降息的預測，他當時並沒有大力駁斥。 成個概念係「本來加多一次息封頂」，而家係「要加多兩三次息」，減息時間會比預期遲（可能延遲到2024年），最高Fed rate 由5%，變成5.5%，相關資產金股匯債嘅投資回報又要再計過。 Cup Sir 新聞：特別想一提美元指數。美元上圖週線圖，整個升浪 Fib 0.5，重要支持阻力位，出現跌勢停滯現象。Background 是歐央行相對 Fed 是更 hawkish，歐元不升反跌，這個訊價背馳現象，我收到的信息似是巿場都覺得歐元區加息週期就快到頂，而歐元區經濟數據疲弱，甚至有可能比美國更差的話，匯率是相對，加上沽美元的交易已極擠擁，要留意美元反彈的可能，切勿對美元看得太淡。 貨幣強弱係相對性，強美元＝弱人民幣，人民幣走弱，會令中國股票盈利有折扣，就不利中港股市。 雖然咁講，但係市場瞬息萬變，可能好快又有另一個投資Concept出現。

  「預測從唔可靠。你投資即表示願意自己嘅資金承擔風險。因此，千萬不可冒你承擔唔起嘅風險。連銀行都會投資錯誤，何況係一般人？」 曹仁超 美國聯儲局講到十分兇狠，無論加幾多息，都要將通脹呢頭「猛虎」做低，到底通脹有幾嚴重呢？ 上一次應對通脹，已經係2008年咁嘅事，美國CPI 增長由2007年7月開始，越升越快，到2008年12月先停止，升足一年零四個月，但停止升唔代表物價回落，之後半年，CPI開始負增長，物價就回落返。 物價高企嘅日子，原材料（金屬、原油）價格上升，令到企業成本上漲，大企業唔想硬食，會將通脹呢個波傳俾啲細嘅，細嘅公司食唔落，唯有將價格提高，等消費者埋單；有啲食唔落，又冇能力加價嘅公司，可能會虧損，甚至倒閉。 睇舊數據，2007-2008年幾乎全世界GDP都倒退，中國當時GDP都由14.9%跌到6.2%，增長速度減半。 歐元區 - GDP 美國 - GDP   日本 - GDP   中國 - GDP 當年美國由2016年12開始加息，一直到2018年12月加完，歷時兩年，每次25個基點，加咗8次，聯邦基金利率由0.25%-0.50% 加到2.25-2.50%，最終加2厘。 今次CPI增速比2007年仲猛，上次最高年增速5.5%，今次係8.56%，單純用數學計算，猛過上次1.5倍，或者最終要加3厘先夠。 2007-2008年，美國債息維持喺4%至5%，今時今日債息係2.76%，仍然有好大向上空間，聯儲局會唔會加息對抗通脹，攪到股市崩盤呢？答案就係唔驚得咁多，你地自己搵位著陸啦。   人類係好容易忘記歷史教訓，所以睇吓2008年5月24日嘅舊聞，可以重溫一吓歷史嘅教訓。 2008-05-24 投資者筆記 超級泡沫爆破 2007年8月起貝南奇透過注資及減息去減少次按危機嘅殺傷力，搞到美元回落及全球性通脹。今年4月美國消費者稅後收入較2007年同期上升 4.1％，但日用品平均嘅售價反而上升10.4％，代表一般人嘅生活水平將下降；情況就好似七十年代嘅滯脹期。1979年年底雪茄伏出任聯儲局長就用高息對付通脹，搞到1981╱82年衰退先將通脹率馴服。今次又點？ 喺滯脹期（Stagflationary Environment）耐性係好重要；商品價格此起彼落、食品價格及能源價格就係咁升；反而樓價同股價就唔升，雖然利率由5.25厘跌落...