行山兄弟 投資研究所

  「預測從唔可靠。你投資即表示願意自己嘅資金承擔風險。因此，千萬不可冒你承擔唔起嘅風險。連銀行都會投資錯誤，何況係一般人？」 曹仁超 美國聯儲局講到十分兇狠，無論加幾多息，都要將通脹呢頭「猛虎」做低，到底通脹有幾嚴重呢？ 上一次應對通脹，已經係2008年咁嘅事，美國CPI 增長由2007年7月開始，越升越快，到2008年12月先停止，升足一年零四個月，但停止升唔代表物價回落，之後半年，CPI開始負增長，物價就回落返。 物價高企嘅日子，原材料（金屬、原油）價格上升，令到企業成本上漲，大企業唔想硬食，會將通脹呢個波傳俾啲細嘅，細嘅公司食唔落，唯有將價格提高，等消費者埋單；有啲食唔落，又冇能力加價嘅公司，可能會虧損，甚至倒閉。 睇舊數據，2007-2008年幾乎全世界GDP都倒退，中國當時GDP都由14.9%跌到6.2%，增長速度減半。 歐元區 - GDP 美國 - GDP   日本 - GDP   中國 - GDP 當年美國由2016年12開始加息，一直到2018年12月加完，歷時兩年，每次25個基點，加咗8次，聯邦基金利率由0.25%-0.50% 加到2.25-2.50%，最終加2厘。 今次CPI增速比2007年仲猛，上次最高年增速5.5%，今次係8.56%，單純用數學計算，猛過上次1.5倍，或者最終要加3厘先夠。 2007-2008年，美國債息維持喺4%至5%，今時今日債息係2.76%，仍然有好大向上空間，聯儲局會唔會加息對抗通脹，攪到股市崩盤呢？答案就係唔驚得咁多，你地自己搵位著陸啦。   人類係好容易忘記歷史教訓，所以睇吓2008年5月24日嘅舊聞，可以重溫一吓歷史嘅教訓。 2008-05-24 投資者筆記 超級泡沫爆破 2007年8月起貝南奇透過注資及減息去減少次按危機嘅殺傷力，搞到美元回落及全球性通脹。今年4月美國消費者稅後收入較2007年同期上升 4.1％，但日用品平均嘅售價反而上升10.4％，代表一般人嘅生活水平將下降；情況就好似七十年代嘅滯脹期。1979年年底雪茄伏出任聯儲局長就用高息對付通脹，搞到1981╱82年衰退先將通脹率馴服。今次又點？ 喺滯脹期（Stagflationary Environment）耐性係好重要；商品價格此起彼落、食品價格及能源價格就係咁升；反而樓價同股價就唔升，雖然利率由5.25厘跌落...

  隨住美國聯儲局3月宣佈加息，美國正式由QE4進入加息周期，10年期債息升到2.817厘，美國股市開始由「唔上唔落」變成「直線滑落」，納指由3月尾嘅14607點跌至11385點，向下調整22%。 加息周期令科技股大跌，主要有幾個因素： 業績將會變差： 通脹嚴重，成本上脹，經濟變差，商業活道受阻，科技股嘅生意 – 例如廣告、網購、零售都會下跌，股價預期盈利下跌，紛紛避險。 無風險利率上升： 科技股普通高估值，加息令債息上升，一部份資金會轉移去更安全嘅投資目標，例如美國10年期債券。 流動性減少： 加息令融資市場變得謹慎，利息高機構少借錢，孖展買股市嘅投資者都減少，變相整體股市流動性減低，再加上縮表，流動性更少(買盤更少)，跌市時支持力度就好弱。 最具代表性嘅科技股龍頭「FAAMG」全部下跌，跌幅同納指差唔多，如果「效率市場」理論係正確嘅話，今日股市價格其實已經反映「暫時加息」嘅影響，而未來加息會有幾大影響，我決定用Yield 比較一下。   (圖1) 市場認為Facebook, Google嘅業績未必掂，只肯用好低市盈率買入，Yield 要比債息高2-4厘先肯投資，相反Microsoft同Apple 就樂觀啲，多1-2厘已經夠。   圖表1 - 10年美國債息為2.817厘   科技龍頭 市盈率(TTM. PE) Yield (1/PE) 比較 10年債息 Facebook 14.65 6.83% 4.01% Amazon 52.03 1.92% -0.95% Apple 22.36 4.47% 1.60% Microsoft 26.35 3.80% 0.93% Google 19.70 5.08% 2.21%     (圖2) 假如市場認為未來聯儲局會加1厘息，假設佢地對Yield 嘅Buffer唔變，將各大科技公司嘅Yield + 1%，再逆向計算，得出新市盈率，除咗已經跌到殘嘅Facebook，其他龍頭都有機會跌近20%。   圖表2 - 10年美國債息為3.817厘, 加息1厘, 逆向計算   逆向計算 科技龍頭 市盈率(PE) Yield (1/PE) Facebook 12.77 (-12.83%) 7.83% Amazon 34.25 (-34.17%) 2.92% App...

今年初港股幾次大跌，分別由於「中概股在美國退市風險」、「中國疫情爆發上海封城」、「恒大爆煲中國金融體系危機」、「科技股監管無了期」。 為咗防止金融體系崩潰嘅可能性，官方傳媒出咗幾次口術，令股市短期大幅反彈，例如恒指由3月15日由18200點彈至22400點，但冇實體經濟支持，股市好快彈就散，又再尋底。 到底中國經濟係咪真係唔掂呢？   睇官方數據，我地知道過去三個季度(2021 Q3, Q4 同2022年Q1)，GDP 增長率係4.9%、4.0%、4.8%，同今年增長目標5.5%有一段距離。   中國城鎮失業率由4.9%升到6.1%，年輕人(16至24歲)失業率更達到18.2%，真係達到一畢業就失業嘅地步。   經濟差嘅原因有幾方面，一方面喺中國地產業監管太重手，除咗冇人買樓，地產商未整好盤數之前，都唔敢亂買地起樓，相關產業鏈全部都冇生意，減慢經濟循環。   另一方面科技巨企監管強勁，龍頭企業 騰訊、阿里巴巴、字節跳動、京都全部都裁員，經濟又差，被炒魷魚嘅失業大軍好難搵到新工，令失業率上升。     要振興經濟主要靠控制市場資金流動性，央行有兩個方法 – 降準和減息，在2020年疫情開始爆發，央行曾經降準1%，向市場釋放出5500億人民幣。   ＊　信報 2020-03-13　＊ 釋放長期資金 支持實體經濟——人民銀行有關負責人解讀定向降準 中國人民銀行13日宣布兩項定向降準措施，共釋放長期資金5500億元。 人民銀行有關負責人表示，此次定向降準釋放長期資金將有效增加銀行支持實體經濟的穩定資金來源，降低相關銀行付息成本，促進降低小微、民營企業貸款實際利率，直接支持實體經濟。 人民銀行13日宣布， 決定於3月16日實施普惠金融定向降準，對達到考核標準的銀行定向降準0.5至1個百分點。 在此之外，對符合條件的股份製商業銀行再額外定向降準1個百分點，支持發放普惠金融領域貸款。以上定向降準共釋放長期資金5500億元。 人民銀行自2018年起建立普惠金融定向降準年度考核制度，對普惠金融領域貸款佔比達到一定比例的商業銀行，給予0.5個百分點或1.5個百分點的準備金率優惠。考核對象包括大型銀行、股份制銀行、城商行、較大的農商行和外資銀行。   當時貨幣流通量 M2 增速由8.80%升至10.10%(+1...

最近花咗啲時間分析 HK:1137 - HKTV 2021年7月 HKTV改名，由「香港電視」改成「香港科技探索」，代表公司嘅發展目標由「純網購」轉變為「綜合科技」，同一年由於疫情緩和，市民抗疫疲勞，出街消費，網購增長減慢，股價由高位$16.8 跌至年底 $8.37，跌幅超過50%，同一個勢喺今年延續，HKTV跌至琴日$6.11。 投資者拋棄HKTV嘅原因有幾個，其一美國出現中小型科技股股災，Smart Money 沽售投機型增長股(冇盈利嘅公司)，連曾經光輝一時嘅美國ARK基金都跌到契媽都唔認得，HKTV當時都係未有盈利，被歸成同一類，一齊殺；其二2020年的GMV增長達100%，但2021年嘅增長只有10%，大家認為龍頭都攪成咁，香港網購市場已經摸到天花板，冇增長點嘅增長股，就好似冇咗雞嘅糯米雞，買咗都冇肉食。 HKTV 2021年GMV增長目標係70億，最終只有65.7億，2021下半年由盈轉虧，集團由賺9600萬，轉為蝕9050萬，經營環境真係咁差？ 集團每個月都會公開GMV數據，下半年競敵「天貓香港」入場，生意仲好咗。結果終於喺年報認錯，因為「七折電子禮券計劃」太抵，睇真啲，一個決定蝕咗1.8億(由賺9000萬至蝕9000萬)。 HKTV 2022年GMV增長目標提升至80億，另外三至五年目標120-150億。 今年頭4個月，GMV增長重拾升軌，已經達到全年目標嘅36.98%，如果維持到年底，有望達至90億。 2022年 GMV (增長) 1月：6.99億 (23.94%) 2月：8.54億 (87.28%) 3月：7.18億 (36.76%) 4月：6.87億 (40.78%)   鍾Sir曾經喺2021年對HKTV進行估值 https://bennychungwai.blogspot.com/2019/09/blog-post.html   我利用同一方法 P/GMV 再做估值： 股價 = 6.11港元（2022年5月20日） 發行股數 = 8.95億股 市值 = 55億港元 GMV = 80億港元 (預測 2022年達標) P/GMV = 0.686倍（55 ÷ 80）   比較以往2018-2021年嘅P/GMV 數據： 2018：0.99 - 1.81 2019：0.84 - 1.75 2020：0.51 -...

問君應買銀娛定澳博，好比旺角大戰沙頭角。 今日報紙大字標題寫著「濠賭收入倍升」，睇一睇內文，日均博彩收入才2億澳門元，是疫情前的25%，博彩收入高一點也只有疫情前的30%。 賭股的新聞和報導手法就是奇怪，明明一直都受疫情影響，旅遊景點靜過太空，旅客數字(圖1)在2020年斷崖式下插，2021下半年才反彈濺起少少水花，報章新聞就寫到噴泉一樣，報章這種隨意誇大的行為，很容易牽動 散戶的 情緒，以為賭業復甦已經來臨。 圖1 過去有幾件事影響博彩業，不少鍾Sir已經有看法，以下有一部份內容取自Blogger止凡的網誌： 澳門續牌變數：澳門政府最終宣佈會續6個牌 洗米華事件：最大中介人公司老闆被捉，中介業務受監管，不少公司結業 (鍾Sir: VIP房的生意必定受影響，但也可能 「一雞死一雞鳴」) 疫情下的經營情況 ： 從數字上哪家能生存，主要看其現金流於這場疫情下的變化，沒有盈利與現金流入之下，各大賭企需要「吃老本」。這個現金流出的情況下，「老本」是否頂得住？2021年又能否「止血」？(引述鍾記) 。 銀娛：EBITDA 35 億港元；純利 3.62 億港元；現金流 -35 億港元； 金沙：EBITDA 26.52億港元；虧損 81.74 億港元；現金流 7.25 億港元； 澳博：EBITDA -15.81億港元；虧損 41.98 億港元；現金流 -45 億港元； NOTE: 金沙數據匯兌 (1美元 : 7.8港元)，金沙報表把折舊、攤銷、利息項目從現金流撇除，得出正現金流，主要想表達現金流出比收益表所講的少。   財務狀況如下： 銀娛：負債 63.86 億港元；現金 183.75 億港元；淨現金 119.89 億港元 金沙：負債 619.79 億港元；現金 52.88 億港元；淨負債 566.91 億港元 澳博：負債 225.74 億港元；現金 32 億港元；淨負債 193.74 億港元 2021年未有止血，但損傷程度減輕，2022年未有復甦，博企平均每一季都有10億港元的支出，銀河娛樂的現金還可以支持2-3年，金沙和澳博可能2022年尾或者2023年要再發債，否則可能要債務毀約 / 變賣資產了，4月開始中國疫情開始大爆發，恐怕短期難以復甦，「老本」捱唔捱得到「疫情後」的日出呢？   Blogger止凡的網誌 https://www.cpleung826....